Premios Opinión da Música de Raíz
Os XXI Premios Opinión da Música de Raíz recoñecen o debut de Caamaño & Ameixeiras e o tema de Rosa Cedrón para a súa filla
O dúo acadou o galardón ao Mellor Disco por Aire! e a artista monfortina a Mellor Canción Orixinal por 'Ti miña flor' - Pancho Álvarez foi recoñecido como Mellor Artista e o contrabaixista Álvaro Iglesias gañou a Mellor Adaptación dunha peza tradicional polo pasarrúas de 'Os Trinta de Trives'
XXI Premios Opinión da Música de Raíz / Carlos Pardellas
Añádenos en GoogleLOC
Os XXI Premios Opinión da Música de Raíz entregáronse esta noite no teatro Rosalía. As candidaturas estiveron moito máis repartidas que en anteriores edicións e os proxectos elixidos foron moi heteroxéneos. Esta noite premiáronse os artistas que están a traballar e desenvolver a música de raíz e abordan a creación musical desde diferentes prismas. A discográfica Fol Música recibiu o XV Premio Opinión Andaina Senlleira pola súa labor dedicada á publicación de artistas galegos. Ao longo da súa traxectoria, publicou traballos de destacados grupos e solistas como Budiño, Berrogüetto, Na Lúa, Leilía, Uxía, Fuxan os Ventos, Os Cempés, Rodrigo Romaní, Chouteira, Emilio Cao, Radio Cos, Pancho Álvarez, Susana Seivane e o dúo Rosa Cedrón & Cristina Pato.
O xurado desta edición decidiu outorgar a distinción de Mellor Artista a Pancho Álvarez, un veterano músico da escena musical galega que conta cunha interesante carreira e chega ao seu sexto álbum como solista. A Mellor Canción Orixinal foi para Rosa Cedrón por 'Ti miña flor', un tema composto para a súa filla, que afonda no ton lírico e delicado dentro do estilo interpretativo da artista. O contrabaixista Álvaro Iglesias acadou o recoñecemento de Mellor Adaptación dunha peza tradicional polo pasarrúas de 'Os Trinta de Trives', unha adaptación intelixente que mantén o espírito do noso folclore. O Premio ao Mellor Disco foi para Aire!, o debut discográfico do dúo Caamaño & Ameixeiras, un traballo con algunha peza propia e adaptacións de tradicionais ao seu xeito.
Nesta ceremonia que celebra a música de raíz estiveron presentes a Asociación Cultural Donaire, que foron os encargados de abrir a gala cun espectáculo de danza acompañado de pandeiretas, gaitas, acordeón e percusión. Tamén o grupo Zumaque, galardoado na anterior edición, achegou algunha peza nova ao escenario do teatro Rosalía, e as cantareiras de Zoelas pecharon a gala cunha mestura de música tradicional e un amplio abano de posibilidades sonoras.
- El Puerto de A Coruña tiende la mano al de Ferrol: pone 'a su disposición' sus muelles para apoyar el desembarco de la fábrica de coches de SAIC
- Revuelo en el negocio inmobiliario de Os Mallos, en A Coruña, por la futura intermodal: 'Hay interés de invertir en alquiler de temporada y habitaciones
- El bar con uno de los callos más famosos de A Coruña: 'La receta no se ha tocado en 52 años
- La histórica ruta a Londres-Heathrow que A Coruña perdió en favor de Santiago dejará de operar este invierno
- Marineda City abre nueva tienda dedicada al universo femenino
- José Luis Méndez Romeu: “A Coruña necesita una nueva instalación para la ópera y la ubicación perfecta es el muelle de Calvo Sotelo”
- El eclipse de Sol llega a los mercados de A Coruña: el Concello distribuirá 20.000 bolsas con el diseño de la Torre
- Las obras de la estación intermodal entran en su última fase: la nueva zona de vías y andenes se completará en las próximas semanas
