O destino que namorou a Valle - Inclán
A Pobra do Caramiñal prepárase para a Semana Santa con rutas de senderismo, visitas guiadas e mesmo un obradoiro de marisqueo
B.C
Espectaculares miradoiros, paisaxes de praia, bosque e piscinas naturais bañan de beleza á Pobra do Caramiñal, un dos destinos máis atractivos do Barbanza, ao que o mesmísimo Ramón de Valle-Inclán calificou coma “o lugar da terra no que houbera vivido máis a gusto”.
Patrimonio natural, cultural e histórico únense deste xeito á gastronomía para converter a Pobra do Caramiñal no destino perfecto para gozar desta primavera.
Atractivos aos que se suma a completa axenda do Concello para Semana Santa, na que non faltarán as rutas de senderismo nin as visitas guiadas, ademais dos tradicionais actos litúrxicos nas parroquias de Santa María a Antiga do Caramiñal e Santiago do Deán.
Deste xeito, a axenda comezará o 31 de marzo coa inauguración do mercadiño “A nosa feira” nos Xardíns de Valle - Inclán, onde permanecerá ata o 10 de abril. Xa o mércores 5, pola súa banda, veciños e visitantes poderán gozar dun obradoiro de marisqueo de a pé na praia dos Areos, mentres que o Xoves Santo chegará a quenda da ruta xacobea guiada “Orixes”, cun recorrido de 8 quilómetros e dificultade baixa. Ademais, o venres poderemos seguir desfrutando da natureza da man dunha ruta polo Río das Pedras e as súas piscinas naturais.
Finalmente, dúas son as propostas para o sábado de Pascua, no que os amantes do patrimonio cultural poderán elixir entre unha visita guiada ao centro histórico da Pobra, que terá lugar pola mañá; ou á capela da Alba da igrexa de Santiago do Deán, xa pola tarde.
Para saber máis: Turismo A Pobra do Caramiñal
- “Los niños gitanos de un instituto de A Coruña dejaron de faltar a clase cuando empezamos a trabajar su cultura”
- Aprobado el nuevo tamaño de las maletas de mano: queda poco para que podamos viajar así
- Poner una hoja de laurel debajo de la almohada: la solución que cada vez hace más gente (y con razón)
- El pulpo gallego abandona las pescaderías y plazas tras la venta en lonja de 1.445 toneladas
- Un estudiante de A Coruña, alumno del instituto Eusebio da Guarda, gana la medalla de plata en la Olimpiada Española de Química
- La cocaína, la “droga dura” más común en A Coruña, explicada por los policías: “Hay más que nunca” y la venta está “atomizada”
- Un médico de familia, José Ramón Parada, será el nuevo gerente del Sergas
- La cena para adelgazar perfecta tiene un único superalimento y lo tienes en casa