Música e baile para o Carnaval

O deus Momo lembra os casos de corrupción, os pactos e a chegada de Marea Atlántica a María Pita no primeiro día grande do Entroido

06.02.2016 | 09:04

No seu trono sentado deu a benvida ao Entroido o deus Momo, cun paraugas na man e un "bandullo" cheo de cocido, chourizo, caldo e viño. Quixo este personaxe festeiro inaugurar os días grandes nos que todo vale, pero no que nada se esquece. O deus Momo, no seu discurso lembrou os casos de corrupción que salpican non só á cidade, senón tamén a todo o Estado e dixo en alto nomes como Pikachu, Zeta e Pokémon. Botou tamén a vista atrás para acordarse do acontecido en maio, cando Marea Atlántica "chegou a María Pita".

E os centos de veciños que se xuntaron no Obelisco para escoitar este discurso de culto, asentían coa cabeza cando o seu deus falaba das homenaxes caídas do rueiro, do adeus de Alférez Provisional e Comandante Barja, para darlle a benvida ás Atochas e ao Socorro. Non se quixo esquecer este ídolo pagán dos que o están a pasar mal e nomeou aos traballadores de Santa Bárbara e Alcoa e xogou, como non?, coas verbas "marea e mareo", que para iso está o Entroido.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine