ARTEIXO

Alberto Castro: "En Sabón non vai haber discotecas nin ocio nocturno nin grandes áreas comerciais"

"Co cambio de usos no polígono, o Concello recibirá solo para unha praza de abastos e un viveiro de empresas" - "Non se continuou coa tramitación do plan xeral polo cambio de lei e por falta de tempo"

09.08.2015 | 02:41
O concelleiro de Urbanismo, Alberto Castro, esta semana no seu despacho no Concello de Arteixo.

O concelleiro de Urbanismo de Arteixo, Alberto Castro, ten claro que non permitirá que haxa grandes áreas comerciais como Marineda City no polígono de Sabón tras os cambios de usos das parcelas que pretende levar a cabo o Concello nos próximos meses. Tamén destaca que Arteixo conseguirá unha praza de abastos e un viveiro de empresas municipal. Outro dos temas pendentes do Goberno local é o plan xeral. Castro sinala que é "unha obrigación" ter unha aprobación inicial e as alegacións contestadas no 2016. E explica que non se seguiu coa tramitación ata agora polos cambios na Lei do Solo e porque os documentos que prepararan as empresas redactoras do plan, Arnaiz e Tinsa, non estaban ben traballados politicamente

-Por que Arteixo aínda non ten plan xeral e segue coas Normas Subsidiarias?

-As Normas Subsidiarias son un plan xeral reducido en tramitación e en información. Arteixo está sen el porque sempre houbo unha pequena confusión do que debe dar un plan xeral. Nunca se tratou dende o enfoque correcto. O plan xeral a nivel de ordenación está feito a un nivel moi alto, pero falla no detalle. As zonas urbanas están perfectamente delimitadas. Fallouse nos núcleos rurais. Foi a parte que menos traballaron. Agora fixemos unha cartografía. Fixemoso voo e poñelo sobre cartografía. Detectamos corenta mil errores. Había demasiadas imprecisións.

-O alcalde prometeu ter listo o plan xeral na anterior lexislatura. Entón non se aprobou por factores externos como o cambio da lei e a cartografía?

-Cando chegamos pensabamos que había atraso nas licenzas e era mentira. Era o total caos. Durante tres anos foi sacar cousas do armario. A nivel de actividade era un desastre. Chegou un momento no que só recibía xente que perdía subvencións por non ter licenzas.

-Como se vai facer o cambio de usos das parcelas no polígono de Sabón?

-Estanse facendo unhas modificacións puntuais porque o Concello recibe dous beneficios moi grandes: o solo para implantar a praza de abastos e outra, o viveiro de empresas. A modificación puntual que todo o mundo chama a da Schweppes é para conseguir o viveiro de empresas, porque no caso contrario non accederíamos. E a outra é para dous supermercados. Paréceme ben, pero teño a obrigación de poñer unha praza de abastos. Meteuse o solo da praza de máis de 1.000 metros cadrados. Arteixo poderá disponer en breve dunha.

-Cando estará lista a praza de abastos?

-Esta modificación estará feita antes dun ano. A partir de aí teríamos o solo e falaríamos co comercio para ver como se xestiona iso. Nós queremos o viveiro de empresas diante de Zara para que se nos vexa. Na outra modificación, queremos que sexa detrás de Muebles Gundín e Tifón. Hai posibilidades de que veñan Mercadona e Lidl. Queremos dar esa centralidade a praza na zona comercial. Esa implantación está pensada por iso, que esté nunha zona comercial.

-O cambio dos usos estenderase a todo o polígono?

-Estenderase a totalidade do polígono. Que ocorre? Hai que estudiar zona por zona. Hai lugares como a beira do río no que non se poden poñer industrias contaminantes. Xa teño Ferroatlántica e Fenosa. Na avenide Finisterre non podes deixar implantar industria pesada. Vamos ser o máis homoxéneos posibles, pero vanse estudar certas parcelas. De todos modos vamos restrinxilo. No polígono non vai haber discotecas e lugares de ocio nocturno. Irían en contra da filosofía do polígono. Tampouco queremos grandes áreas comerciais. Si que queremos supermercados, un BricoKing? Un Marineda, non.

-O plan xeral estará rematado neste mandato?

-É unha obrigación que nos impuxemos. Está claro que no 2016 temos que ter unha aprobación inicial e unhas alegacións contestadas. O documento está moi elaborado.

-Arnaiz e Tinsa entregaron en maio de 2011, co bipartito no Goberno, o documento previo á aprobación inicial. Por que o Concello despois non o tramitou coa Xunta xa estando o PP?

-Ese documento non se tramitou porque se quixera esconder, non. É o típico documento que entra na semana antes das eleccións. Seguramente pedido polo Goberno anterior para dicir que tiña un plan. Estaba completo e tiña todas as partes que tiña que ter. Pero era un documento sen traballar políticamente.

-O PP non o entregou á Xunta por non estar ben traballado?

-Non se continuou coa tramitación polo cambio de lei e falta de tempo. Era un documento que había que empezar de cero porque estaba sen soporte cartográfico. Estaba feito sobre Catastro.

Compartir en Twitter
Compartir en Facebook
esquelasfunerarias.es
Enlaces recomendados: Premios Cine