CULLEREDO

Por un concello máis feminino e rural

A asociación As Berenguelas impulsa actividades culturais nas parroquias non urbanas de Culleredo - Con medio ano de vida, conta con 70 socias e agarda un local fixo para consolidarse

30.04.2017 | 03:04
Actividade da asociación As Berenguelas no Día da Muller con Alumnos do Centro Rural Agrupado.

"De actividades deportivas estamos ben pero de actividades culturales no rural non temos nada. Queremos que o rural teña as mismas oportunidades que as zonas urbanas. E abordamos todos os temas que teñen que ver coa muller", explica a presidenta da Asociación de Mulleres As Berenguelas, Pilar Iglesias. A entidade comezou a súa andaina con decisión e en tan só medio ano de traxectoria conta xa con 70 socias e varias actividades de diversa índole ás costas. Agardan a concesión dun local por parte do Concello para estabilizar a súa labor, que por agora desempeñan na maior parte dos casos na reitoral de Celas á espera de que se concrete a posibilidade de asentarse la antiga unitaria desa parroquia.

"Pensamos organizar talleres de distintos temas, desde informática ata acerca da menopausia ou a sexualidade, e pediremos ao Concello que poña na zona máis rural actividades como teatro ou bailes de salón. Queremos facer un musical", avanza a presidenta. Presentacións de libros e charlas ou a proxección de películas "dirixidas a mulleres, que afonden en temas como a violencia de xénero ou a autoestima", figuran tamén entre os plans das Berenguelas. Estas mulleres rurais tamén teñen no punto de mira a temática relacionada coa maternidade e a crianza dos fillos, aínda que "a medida de idade desta asociación é de arredor dos 50 anos", asegura Iglesias. "Ás mulleres mais novas cóstalles", afirma. Nesta liña, As Berenguelas organizarán unha presentación e tertulia do libro Máis aló do azul e o rosa, actividade para a que buscan unha data que se acomode aos horarios das socias, "porque ou traballamos ou temos a alguén ao noso cargo", explica a presidenta.

Iglesias prevé que a instalación nun local permita fixar con maior regularidade a actividade da asociación e, ao tempo, gañan en peso e en número de socias. Afirma que os técnicos do Concello lles explicaron que a opción de utilizar a antiga unitaria de Celas se vai retrasar sobre o previsto, pero asegura que polo de agora sempre que solicitaron por rexistro a utilización da reitoral se lles outorgou sen problema.

Iglesias garante que o Concello se amosa colaborador con elas. "Sempre foi un concello punteiro na área de servizos sociais e de muller", sostén. Foi a Administración local a que lles indicou que debían asociarse para, como pretendían, contar con axuda municipal para a realización de actividades e a disposición dun espazo público, obxectivos que foron concretando pouco a pouco a partir do xarmolo que supuxo a organización dunha cea de mulleres rurais, que leva xa tres edicións. "Xa no primeiro ano fomos 130 mulleres", conta Iglesias, quen lidera esta entidade froito de decidir que querían ir a máis.

Compartir en Twitter
Compartir en Facebook
esquelasfunerarias.es
Enlaces recomendados: Premios Cine