07 de abril de 2018
07.04.2018
"Qué duda cabe!"

Polo menos hoxe haberá un sorriso

07.04.2018 | 01:32
Polo menos hoxe haberá un sorriso

Facer o que fixo o equipo na segunda parte non abonda para gañar partidos se se erran tantos goles como perdoaron os deportivistas, pero si pode chegar para que a xente recoñeza que polo menos olla algo sobre o céspede. Chegou a vitoria tan precisa, non sei se para a táboa, pero si para o estado anímico do deportivismo, e non só os futbolistas. De súpeto a ilusión volveu a Riazor, a afección saíu con certa fe do estadio e botando números, todo porque cre que aínda é posíbel. Está moi difícil por todo o arrastrado ata este momento e hai moitos puntos de diferenza co Levante, pero? e se agora gañamos tres partidos seguidos? Non o dixen eu, díxoo alguén máis positivo ca min. Pois diso é do que se trata nestes momentos, de crear un mínimo de ilusión e non renderse. Gañas, pelexa é o mínimo que se pode pedir e despois chegada para rematar. E onte entraron tres, pero tamén teño que dicir que a sorte segue lonxe de Riazor, porque con 2-1 o Deportivo podía estar en vantaxe máis ampla, pero estaba empatado en menos de tres minutos co primeiro remate andaluz a portería. E antes, un pao, dous paradóns de Roberto, ocasións perdidas. Felizmente chegou o terceiro. A ver se abonda. Polo menos servirá para que hoxe o deportivismo poida sorrir un pouco. E mañá? Pois mañá tomaremos os callos atentos o que aconteza entre o Levante e o Las Palmas. Éche o que hai, seguir ollando cara os demais, que son os que teñen unha ampla vantaxe na clasificación. De momento, aínda queda osíxeno para seguir respirando.

Compartir en Twitter
Compartir en Facebook

Buscador de deportes