As Xornadas Castrexas de Cambre levarán esta fin de semana a 118 persoas ao castro de Zoñán, en Mondoñedo. Ademais, mais de corenta inscritos asistirán ás charlas dos especialistas Francisco López e Tito Concheiro, explicou onte o concelleiro de Cultura, Ramón Boga.
O edil celebrou que a asistencia se mantén como en anos anteriores pese a coincidir con actividades sinaladas. Asegurou, ademais, que as charlas e as visitas serven para concienciar sobre a importancia e a necesidade de protexer os castros.
