A Deputación fomenta o uso do galego nos máis novos. Un total de 3.392 estudantes de 70 centros de ensino participaron nas 91 sesións do programa O galego, a miña lingua propia, que animou a empregar a lingua a mozos de centros públicos de 43 concellos da provincia.
O programa chega ao seu fin despois de atoparse con máis de tres mil rapaces cunha proposta de actividades encamiñada a eliminar prexuizos contra o galego e defendelo como lingua de prestixio. O audiovisual, a música ou o grafiti centraron as proposta.
