24 de febrero de 2019
24.02.2019
La Opinión de A Coruña
ARANGA

O BNG quere un selo de calidade para o millo de Aranga, unha caste autóctona

Pide un selo de calidade para esta variedade catalogada polo Centro de Investigacións

24.02.2019 | 00:48
O BNG quere un selo de calidade para o millo de Aranga, unha caste autóctona

O Centro de Investigacións Agrarias de Mabegondo (CIAM) ten catalogado o millo do municipio de Aranga como variedade autóctona, moi resistente á seca e moi produtiva, e o BNG deste concello considera que este feito "non se está a valorar nin a aproveitar nin a nivel agrícola nin hostaleiro nin turístico".

O Bloque considera que esta variedade propia "é un símbolo" da entidade agraria do territorio e "un motivo de orgullo porque leva o nome do concello por Galiza adiante" polo que considera que se debería procurar un selo de calidade e facer convenios para "estimular a súa produción e comercialización".

Os nacionalistas sinalan que tamén se podería facer unha festa gastronómica e un encontro etnográfico (muiñada incluída), todo dirixido a a "dinamizar o potencial produtivo e diversificar a economía aranguesa". Lembran a xa coñecida festa de Bueu do millo corvo, xa declarada de interese turístico, como exemplo a seguir.

Compartir en Twitter
Compartir en Facebook
esquelasfunerarias.es