O BNG alerta da carreira en Dexo en período de aniñamento de aves

O BNG de Oleiros insiste na necesidade dun “plan de xestión para o Monumento Natural da Costa de Dexo-Serantes”, ademais dunha maior “implicación” da Xunta, despois de coñecer que de novo se celebrará a carreira pedestre Costa Trail o vindeiro 26 de marzo, por este lugar que é íntegramente Zona de Especial Conservación (ZEC).

“Semella que a declaración de monumento natural é pouco máis que papel mollado” , asegura o concelleiro Ivan Roca. O edil Lembra a especial flora, fauna e patrimonio (castro das Rozas) desta zona protexida e esixe á Dirección Xeral de Conservación da Natureza que “reconsidere” se é “acaído” que 350 persoas corran pola zona “en pleno período de aniñamento de aves”. Indica que hai moitos outros lugares para facer esta proba.