Alberto Castro Concelleiro de Urbanismo de Arteixo | ARTEIXO

"En Suevos tiraron dúas casas e hai en perigo dúas. Iso non é nin un 5% do alí construido"

"Se levas oito anos de pleitos e esperas que o Concello o solucione cunha varita é moi difícil" ´- "Non vou perxudicar un documento por coller dúas vivendas ilegais"

06.03.2016 | 11:15
O concelleiro de Urbanismo, Alberto Castro, esta semana no Concello de Arteixo.

O concelleiro de Urbanismo de Arteixo, Alberto Castro, ten claro que hai "moi poucas" vivendas "en perigo" tras a resolución do Ministerio de Medio Ambiente que rexeita a proposta de Arteixo de legalizar os seus núcleos costeiros. Castro recoñece que era "previsible" a negativa do Goberno e que esperou dous meses tras recibir a comunicación porque quería "consensuar" coa Xunta os pasos a seguir para regularizar estos asentamentos. O concelleiro recoñece que o Porto de Suevos é o lugar máis "conflitivo" e que alí hai dúas vivendas en perigo. E avisa de que o Concello non pode impedir ordes de derribo

-Unha vez denegado por Costas o Concello vaino mandar á Xunta. Conseguirase un resultado positivo con esta opción?

-Creo que sí. Tardamos tanto en facer isto público porque queríamos consensuar coa Secretaría de Urbanismo de como vamos presentar ese documento. Como delimitamos? Hai que chegar a un acordo coa Xunta.

-Dixo que a modificación urbanística pode tardar sobre un ano. Que pasará nese tempo coas vivendas e os derribos?

-Nas vivendas supoño que a Xunta manterá a moratoria. Se hai algunha cousa que veña dos xuíces xa está noutro plano distinto.

-Saben de algunha casa con orde do xulgado?

-Pode haber algunha. Iso vai ser o que diga o xulgado. Hai casas que teñen senteza firme e se mandan executala a Xunta terá que facelo. Só un xulgado mandou executar. Os do contencioso non están mandando a ninguén. Non usan o mesmo criterio. Prefiren esperar a que se produzan os cambios. E se despois cae algunha casa, mala sorte. Non vai caer ningunha casa con licenza.

-En Suevos hai poucas casas con licenza.

-Hai poucas con licenza, pero hai moi poucas en perigo de derribo. Vivendas hai catro e dúas entra na delimitación. E as outras dúas están aí.

-Esas casas son as que quedan máis alonxadas cara o cabo?

-Unha é ao lado da que tiraron. Hai casas que quedan fóra pero non quere dicir que as vaian demoler. Hai que pensar que o Concello de Arteixo en rústico non ten ningunha competencia. Que ocorre con esas casas? O que decida a Xunta. Vamos facer o documento para metelas nun núcleo. Mentres non estean metidas nese núcleos somos meros observadores. Aquí pedimos, pero non temos competencias en Costas. Algunhas casas quedarán fóra porque non forman núcleo.

-Que pasa se a Xunta contesta negativamente?

-Estamos barallando esta posibilidade. Despois deles están os contenciosos. De feito a resolución que nos mandan está collida con pinzas. Se a segunda volta din que non quédanos o contencioso-administrativo. É un tema que facilmente pode chegar ao Supremo. Haberá que casar as resolucións que haxa en Andalucía, Valencia, País Vasco coas de Galicia.

-A situación seguirá como ata agora?

-A situación agora non é moi preocupante. Hai esa moratoria mentres estamos traballando. No momento no que nos crucemos de brazos a moratoria acabarase.

-A situación cambiará?

-Era previsible porque estiveron facendo as mesmas subsanacións a todos os municipios. E ao final só aceptaron as dos que tiñan planeamentos agresivos e delimitados. É o caso de Porto do Son e Marín. En cambio Muros que tivo planeamento en 2010 está nunha situación parecida á nosa. Galicia era o menos preocupante. Aquí non temos unha Marbella ou un Alicante. Arteixo terá mil defectos pero abuso da costa non temos. Temos a máis virxe da área metropolitana da Coruña. Que pregunten a Oleiros, que si ten carga na costa.

-Pero as novas de derribos son en Arteixo.

-Xa, pero non ten nada que ver. Ao mellor no outro sitio nin sequera se tramitaron os expedientes.

-Pode entender que a xente de Suevos non entenda que legalicen a antiga Ártabra e non as casas?

-A xente do Porto de Suevos está concienciada. Se hai algunha nota mal sonante son aqueles que saben que o fixeron mal. O resto da xente sabe quen ten perigo e quen non. Ti se levas oito anos pleiteando e esperas que o Concello chegue e o solucione todo cunha varita máxica é moi difícil. Os que non pleitearon e non tiveron expediente están moi tranquilos. En Suevos hai dous tipos: os que lle dixeron que pararan e as pintan e pouco máis e as manteñen as casas para poder vivir e outros que levan o camión de hormigón. Eses teñen perigo? Home, si.

-Dende 1988 ata agora duplicouse o número de vivendas do Porto de Suevos. Como é posible?

-Por eso andan tirándoas.

-Pero non é algo que apareza da noite para a mañá.

-Aparecían en dúas fines de semana. Hai que diferenciar entre os que están entre os 100 metros, que teñen a espada de Damocles porque aí non caduca nada e está encima Costas. E os que están a máis de 100 metros se o expediente non se resolveu en seis anos está caducado. O problema está nos primeiros 100 metros, salvo unha que fixeron no 2007. Os outros están todos caducados. A maior parte da xente non ten que estar preocupada. Hai tres vivendas e dous galpóns. Algunha quedará dentro. Ao mellor quedan fóra dúas casas no limbo. Eu o que non vou é perxudicar un documento por coller dúas casas ilegais. Colleremos o que nos mande a lei estrictamente co beneplácito das outras administracións.

-E no resto de núcleos?

-Só hai unha en O Reiro unha casa que se sae fóra da delimitación. Ten orde de demolición. É cuestión da Xunta. Os da hormigonera hai tres anos aínda escapaba algún. O único sitio onde houbo conflito foi Suevos. Foi onde máis se construíu e máis cousas pasaron. Alí tiraron dúas casas e hai en perigo dúas máis. Iso non é nin un 5% do alí construido. Todos eses expedientes se os miras agora parecen unha inxustiza, pero se miras cando naceran é outra cousa. Eles mesmos estaban mentalizadísimos. A que se tirou non estaba terminada por dentro. Se estivera convencido terminábaa. O primeiro estaba convencido de que fixera ben.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine