Entrevista | Cielo Fernández Presidenta da Federación de Librarías de Galicia
“Hai unha experiencia na visita á libraría que internet nunca poderá ofrecer”
A Federación de Librarías de Galicia xa ten toda a maquinaria posta en marcha para a celebración das feiras do libro nas principais cidades galegas. Na Coruña terá lugar do 1 ao 10 de agosto. “Este ano pechamos un convenio co Concello da Coruña, un paso moi importante”, comenta Cielo Fernández, presidenta da Federación.
Gozan de boa saúde as librarías?
O sector non vai nada mal. Galicia é unha das comunidades que máis librarías ten e é un sector estable, hai algún peche pero tamén abre algunha libraría nova. A saúde das libraría é o suficientemente boa como para que as persoas que temos unha libraría podamos vivir dela.
Na cidade da Coruña abriron varias librarías no último ano. Bo sinal?
Si, e as librarías están cambiando de concepto. Seguen sendo un espazo de libros, pero a maneira de enfocalas ofrece un movemento de actividades culturais más alá da venta e compra. A librarías estamos aglutinado o encontro cultural que rodea ao libro. É un proxecto moi atractivo e o público está ben receptivo. As lectoras temos unha querencia especial coas librarías. A xente que ama os libro tamén ama as librarías. Iso e o prezo fixo sostén o negocio.
Que tal levan as librarías os retos da dixitalización?
Vivimos nun cambio constante e cada vez máis acelerado. Primeiro foi o libro electrónico, que para nada desbancou ao papel. Despois a venta online, que as librarías tamén aproveitamos. Agora parece que vén isto da intelixencia artificial, que veremos como inflúe no sector.
Como afectou o auxe das grandes plataformas de venta online?
As librarías temos moito atractivo para o público lector, ao que lle gusta tocar os libros e botarlle unha ollada nun espazo físico no que estar rodeado de libros. Hai toda unha experiencia en torno á visita a unha libraría que internet nunca poderá ofrecer. Os lectores queren librarías independentes e apoiar coa súa compra ao comercio local. Unha libraría é un valor para a sociedade e para a economía local.
Hai apoio institucional?
Hai apoio para cousas como as feiras do libro, ou o fomento da venta a través de accións como o bono cultural. Pero si que hai asuntos que podería mellorar, sobre todo o tema da compra institucional de libros, que recaia máis nas librarías, que non sempre é así.
O pasado ano a Federación denunciou que non conseguía pechar un convenio co Concello da Coruña para a feira do libro. Asunto pechado?
O ano pasado parecía que o convenio ía saír adiante e ao final dunha maneira un pouco estraña resultou que non. Pero este ano dende o principio a postura do Concello foi claramente de apoio e si que se chegou a pechar ese convenio. É un paso moi importante..
É que a feira da Coruña move a moita xente
É a feira de Galicia máis grande en participación. É unha feira que arraigou moi ben e con moita forza na cidade. Iso fai que sexa moi atractiva para as librarías, os autores e as editoras e para o público. É unha feira con moita forma e importancia en Galicia.
- La bodega de toda la vida: los clientes de siempre regresan a O Carreteiro
- Herida grave una mujer tras ser atropellada por un autobús urbano en A Coruña
- Baja de precio un ático en Linares Rivas con vistas al mar
- “Los niños gitanos de un instituto de A Coruña dejaron de faltar a clase cuando empezamos a trabajar su cultura”
- La Xunta da la autorización ambiental para que Ignis cree su planta de amoníaco en Langosteira, en el puerto de A Coruña
- Dávila baja a los asientos del Coliseum de A Coruña, sube a futbolistas al escenario y se desnuda ante la alcaldesa Inés Rey
- La ría de A Coruña, nueva vida de un hábitat limpio
- Una “antena” para la soledad no deseada en A Coruña